Månaden starta med Politikerpraten, der du kunne møte politikere og ta opp spørsmål du måtte ha eller kome med innspel til det som måtte engasjere deg. Me satser på slikt treff igjen til hausten. Så arrangerte Sør-Aurdal dialekt- og mållag Kvisskveld, der var bibliotekar Solfrid "berre" deltakarar denne kvelden. Kviss er moro og dialektord er vanskeleg! For nokon, andre hadde omtrent alt rett.
Litt uti månaden kom Anna, student ved bibliotek- og informasjonsvitenskapslinja på OsloMet, til oss på praksis. Ho har prøvd seg på ulike arbeidsoppgåver som er i på eit bibliotek. Skrankearbeid, rydding, merking og preging av bøker, høgtlesing for barn og samlingsutvikling (rydding og kassering i samlinga). Det er stas med lokale som vil bli bibliotekarar!
Anna var med å velgje ut, merke, registrere og levere ut tøyvesker til barnehagene i Begnadalen og Hedalen.
19. mars hadde me Direkte fra Litteraturhuset: Lars Saabye Christensen i samtale med Mikkel Bugge. Eit ordentleg godt tiltak frå Litteraturhuset, så folk kvar som helst i Noreg kan få med seg slike samtalar på deira lokale bibliotek.
Så har me hatt Boklek der alle skulestartarane i kommuna samlast på biblioteket på Bagn. Der fekk dei høyre om og lest frå boka Stor av Martine Grande.
Dagen etter fekk eit litt eldre publikum høyre Anne Mette Strand fortelje om då, spesielt, hedølene organiserte og protesterte mot sølvskatten i 1818. Ho har skrive boka Svalle ved kongen der ein kan lese meir om dette. Det var ein interessant kveld med godt oppmøte.
Avslutningsvis i mars månad var det Kveldsmat og høytlesing. Denne runda vart det "berre" i Hedalen. Det er alltid triveleg og moro med desse kveldane. Engasjerte born som er med i historiane og som vil låne med seg bøker heim etterpå.
Det blir litt roligare på biblioteket i april, men det er framleis eit par arrangement (som ikkje alt har vore) som dykk kan få med dykk. Berre å sjekke arrangement-sida for meir informasjon.